جدول خطة وجباتك الأسبوعية قابل للطباعة

شيماء محمد صدقي 29 سبتمبر، 2019
جدول خطة وجباتك الأسبوعية قابل للطباعة

نقدم لك اليوم جدول خطة وجباتك الأسبوعية قابل للطباعة ، التفكير في عمل الطعام يعد من الأمور المرهقة كثيرًا بالنسبة للكثيرين من السيدات، حيث أن كلاً منا يرغب في تحضير أكلات مختلفة وسريعة خاصة السيدة العاملة، أو السيدة التي يوجد لديها عدد من الأطفال، لذلك قررنا أن نساعدك سيدتي من خلال هذا المقال ونوفر لك جدول ب30 أكلة طوال الشهر مختلفة، وتحتوي على جميع العناصر والقيم الغذائية التي تحتاجين إليها فقط مع موقع أنا مامي.

جدول خطة وجباتك الأسبوعية قابل للطباعة

اليوم الأول

أرز بالشعرية + طاجن بسلة باللحمة + سلطة + مخلل

اليوم الثانى

صنية مسقعة بالبشاميل + عيش + مخلل
ممكن الأكلة دي تكفى يومين علي حسب عدد أفراد الأسرة
ولو مش بتحبوا تاكلوا نفس الأكل ورا بعض
يبقى الباقى يتشال في علبة في الفريزر ونطلعه يوم تاني

اليوم الثالث

كشرى مصري + مخلل
أو تعملي جنبه كبد وقوانص فراخ تكوني فرماهم في الكبة
وتشوحيهم ببصل طبعا القوانص والكبد دي
بتبقي محوشاهم من الفراخ اللي بتشتريها

اليوم الرابع

كفتة فراخ + مكرونة + سلطة
كفتة الفراخ موفرة جدا وبترمى عدد كتير وبرضه
علي حسب عدد أفراد الأسرة
يعنى لو انتوا اتنين ممكن يكفيكوا صدر واحد ولو اكتر من 2 يبقى صدرين اوتلاتة
هيغرقوا الدنيا ومعاهم طبعا بطاطس مبشورة وبصل وخضرة كل ده بيضاعف الكمية
والباقي شيليه في الفريزر ممكن تاكلوه يوم تانى
وبلاش تشترى بانية جاهز هاتي الفراخ واخليها في البيت احسن بكتير وأوفر كمان

اليوم الخامس

أرز بالبشاميل + سلطة
صدر فرخة واحدة وتقطعية حتت صغيرة
وتشوحيها مع بصل وفلفل اخضر وطماطم وفصين توم
وتوابلك المفضلة
وتعملي أرز ابيض وبعدين تجيبي الصنية تحطي راق أرز وبعدين الفراخ
وبعدين باقي الارز وبعدين البشاميل بنص كيلو لبن
ممكن تاكلوها علي يومين الأكلة دي تحفة وموفرة جدا يابنات بجد

اليوم السادس

عدس + أرز + بصل في ماية وخل وليمون عيش

اليوم السابع

بطاطس بيورية + بابا غنوج + شكشوكة + عيش وسلطة

اليوم الثامن

مكرونة محمرة + أجنحة فراخ محمرة بالبقسماط + سلطة + بتنجان مخلل
الأجنحة لو مش محوشاها عندك من الفراخ اللي بتشتريها
يبقى هاتي طبق أجنحة هيغرقوكى إديها نص غلوة
وبعدى طلعيها تبرد شوية وتبليها بماية بصل وعصير طماطم وخل وليمون وتوابل
ساعة كده وبعدين اعمليها بدقيق وبعدين ماية ساقعة
وبعدين دقيق تانى وممكن دقيق وبيض وبقسماط زي ماتحبي يعني

اليوم التاسع

حواوشى + سلطة + مخلل

اليوم العاشر

كفته ارز + ارز + مخلل

حتحتاجى نص كيلو لحمة مفرومة
نص أرز وبصل مفروم وخضرة وتوم وتوابل الأكلة دي تكفيكي يومين
ولو انتوا عددكم مش كتير ممكن تقعد 3 أيام
طبعيها واقليها وقسميها وشيليها في الفريزر علي حسب عددكم موفرة جدا يابنات

اليوم الحادي عشر

سمك بانية + أرز + سلطة طحينة وسلطة خضرا
السمك الفيلية يابنات رخيص الكيلو ممكن يعملك اكتر من صنف وب 12ج

اليوم الثانى عشر

بيتزا بالخضروات أو بالسجق أو اللحمة المفرومة
نص كيلو لحمة مفرومة أو سجق هيعملولك 3 بيتزات ممكن يكفوكي يومين

اليوم الثالث عشر

عجة بالأرز + بطاطس محمرة + طماطم مخللة

اليوم الرابع عشر

مكرونة بيتزا + سلطة

اليوم الخامس عشر

قرنبيط + سلطة + مخلل + عيش

اليوم السادس عشر

جلاش باللحمة المفرومة + بطاطس محمرة
صنية الجلاش دي ممكن تعمليها بربع لحمة مفرومة
وممكن بكبد وقوانص فراخ مفرومة بتبقى وهم وحطي معاها جزر مبشور

اليوم السابع عشر

أرز بالبيض + سلطه + مخلل

اليوم الثامن عشر

محشى كرنب + فراخ + ملوخية

اليوم التاسع عشر

رنجة + بطاطس محمرة
ممكن تعملي الرنجة بالطماطم والفلفل الأخضر بتبقى تحفة

اليوم العشرون

كوسة بالشاميل + سلطة
حنحتاج ربع لحمة مفرومة ونص لبن

اليوم الحادي والعشرون

أرز بالبسلة والجزر + فراخ بانية شرايح + بطاطس محمرة
حنقطع الفراخ بانية شرايح بالطول كدة بتدى عدد اكتر

اليوم الثانى والعشرون

سمك فيش فينجر + أرز صيادية + سلطة
السمك الفيلية بيتقطع شرايح بالطول
وبعدين تعملليله تتبيلة عصير بصل وعصير طماطم وخل وليمون وتوابل سمك
وبعدين تحطية في دقيق وبعدين بيض وبعدين بقسماط بالسمسم ده بقى واااااو
زي ما قولنا السمك مش غالي الكيلو ب12ج
وبيعمل اكتر من اكلة هو ده نفس الكيلو اللي عملنا منة البانية اللي في اليوم الحادي عشر

اليوم الثالث والعشرون

بصارة + عيش + مخلل

اليوم الرابع والعشرون

مسقعة بالخل والتوم + بطاطس محمرة

اليوم الخامس والعشرون

مكرونة بالصلصة + بيض مسلوق ومحمر + سلطة

اليوم السادس والعشرون

كبسة + فراخ+ سلطة
ومتقوليش دي مش موفرة لا الأرز البسمتى بيزيد جدا في السوا
وبعدين أحنا مش هنقضيها شعبيات على طول
هههههههههههههههههههههههههههه

اليوم السابع والعشرون

شاورما فراخ + عيش + سلطة
قطعي بصل كتير وطماطم وفلفل عشان الكمية تزيد
وتوابلك المفضلة الاكلة دي بترمى كمية كبيرة
هنحتاج صدر فرخة متقطع رفيع

اليوم الثامن والعشرون

شيش سمك + أرز + سلطة طحينة
برضه سمك بانيه يابنات الكيلو مش غالى نص كيلو حيظبطك

اليوم التاسع والعشرون

كشرى اصفر + مخلل

اليوم الثلاثون

أرز + ملوخية + لحمة

المراجع

1

2